शेंदून घेतले आशयाचे पाणी
ऐकली विराणी ज्ञानेशाची
तरी आजवर काही न साधले
कोरडे राहिले शब्दज्ञान
घिरट्या घालून मंद झाला श्वास
टक्क जागा ध्यास जगण्याचा
अखंड उपसा चालला प्राणाचा
आलेख जिण्याचा खालावला
तरी ओहोटी ना विकार-सागरा
पार्थिव निवारा खरा वाटे
'गंध जाई दूर फूल उरे मागे
देठामध्ये जागे आत्मभान'
असा भक्त होणे किती दुरापास्त
ओतप्रोत फक्त देहभान..!
***
आसावरी काकडे
१४.४.२०१७
ऐकली विराणी ज्ञानेशाची
तरी आजवर काही न साधले
कोरडे राहिले शब्दज्ञान
घिरट्या घालून मंद झाला श्वास
टक्क जागा ध्यास जगण्याचा
अखंड उपसा चालला प्राणाचा
आलेख जिण्याचा खालावला
तरी ओहोटी ना विकार-सागरा
पार्थिव निवारा खरा वाटे
'गंध जाई दूर फूल उरे मागे
देठामध्ये जागे आत्मभान'
असा भक्त होणे किती दुरापास्त
ओतप्रोत फक्त देहभान..!
***
आसावरी काकडे
१४.४.२०१७
No comments:
Post a Comment