Saturday 29 December 2018

तू निराकार...

तू निराकार
तरी विश्वाकार धारण केलास
तू गुणातीत
तरी त्रिगुणांनी नटलास
तू निर्विकार
तरी उगवत मावळत राहिलास
तू एकमेव
तरी अनंत झालास
तू केवल असणेपण
तरी अस्तित्वरूपांत प्रकटलास
तू सर्वात्मक .. स्वतंत्र.. आनंदस्वरूप
तरी देहांच्या पिंजर्‍यात बद्ध झालास..
दुःखाने घायाळ झालास
तू सत्‍स्वरूप.. उपाधीरहीत.. दिगंबर
तरी विश्वनिर्माणासाठी ब्रह्मा झालास
विश्वपालनासाठी विष्णू झालास
विश्वलयासाठी महेश झालास
आणि भक्तांसाठी
ही त्रयी एकवटून दत्तात्रय झालास..!
***
आसावरी काकडे
२३.१२.२०१८