एकांत

( भूपतीवैभव )

एकांत शोधण्या गेला दूर वनात
पण सारे गुंते तसेच खोल मनात
हिंडतो घेउनी सवे पिंजरा वेडा
अन म्हणत रहातो मजला सोडा सोडा
***

रे बंद करा रे दार उघडले कोणी
एकांत हवा तर नको यावया कोणी
बाहेरुन सारे बंद करत तो गेला
मग दान अनाहुत पडले त्याच्या द्रोणी..!
***

एकांत कुणाचा नका हिरावू केव्हा
देवाशी बोलत असतो रे तो तेव्हा
तो भोगत असतो एकांताचे देणे
घडलेले असते एक स्वयंभू लेणे..!
***
आसावरी काकडे
१५.४.२०१७