थांबव हा मुरलीरव
साद अशी घालु नको
विरहाचे दुःख निळे
पुन्हा पुन्हा देउ नको..
निर्गुण तू पार्थिव मी
ओळखले ऐल पैल
आठवात भिजलेली
राहूदे मज सचैल
भेटीची आस जुनी
रुजवलीय आत प्रिया
येइल रे उमलुन ती
नीलकमल होउनिया
त्यात तूच असशिल ना
विरहाचे भय न मला
पण नकोच मुरलीरव
सगुणाचा ध्यास खुळा..!
***
आसावरी काकडे
२२.४.२०१७
साद अशी घालु नको
विरहाचे दुःख निळे
पुन्हा पुन्हा देउ नको..
निर्गुण तू पार्थिव मी
ओळखले ऐल पैल
आठवात भिजलेली
राहूदे मज सचैल
भेटीची आस जुनी
रुजवलीय आत प्रिया
येइल रे उमलुन ती
नीलकमल होउनिया
त्यात तूच असशिल ना
विरहाचे भय न मला
पण नकोच मुरलीरव
सगुणाचा ध्यास खुळा..!
***
आसावरी काकडे
२२.४.२०१७
No comments:
Post a Comment