चैतन्याची कळी निथळते आहे
चैतन्यच पाहे सर्व ठायी ।
देहभान येता उमलू लागली
पूर्ण फूल झाली हळूहळू ।
उमटली नक्षी रंग उजळला
जीव सुखावला आत्मरंगी ।
देह गोळा केला पूर्णत्व भोगून
पाठ फिरवून निघाली ती ।
तिच्यामागे तिचा डोकावतो अंश
जीवनाचा वंश चालू राही..!
***
आसावरी काकडे
नव्या पावालांनी । सजे पुन्हा भुई । भेटे नवी राई । नव्या जीवा ॥
Sunday 20 September 2020
Saturday 15 August 2020
माहित नाही...
वाफ होउनी वरती गेले
आकाशाचे बिंब लेउनी
माझ्यासाठी खाली आले
कुणी सोसते ताप उन्हाचा
त्यातुन नकळत जन्मे पाणी
शुभ शकुनांचे दरवळणारे
पाउस-वैभव भोगे कोणी..!
कुणी न येथे असे एकटे
अखंड एकच आहे सारे
देहांचे आकार वेगळे
झाडे मुंगी माणुस तारे
अशा आतल्या एकपणाचे
रोज सकाळी स्मरण करावे
क्षणभर सोडुन कोष अहंचा
'सोहं'च्या ध्यानात स्थिरावे..!
***
आसावरी काकडे
Subscribe to:
Posts (Atom)