क्षणा-कणाने विलीन होते
अनंतामध्ये असणे इथले
या असण्यातच पुन्हा जन्मते
क्षणा-कणाने असणे इथले
ये जा त्याची पाहत बसतो
जीव मुशाफिर सागर-तीरी
'ये-जा'मधल्या संधिक्षणाला
बहाल करतो असणे इथले..!
*
आसावरी काकडे
२३.६.२०२१
नव्या पावालांनी । सजे पुन्हा भुई । भेटे नवी राई । नव्या जीवा ॥
क्षणा-कणाने विलीन होते
अनंतामध्ये असणे इथले
या असण्यातच पुन्हा जन्मते
क्षणा-कणाने असणे इथले
ये जा त्याची पाहत बसतो
जीव मुशाफिर सागर-तीरी
'ये-जा'मधल्या संधिक्षणाला
बहाल करतो असणे इथले..!
*
आसावरी काकडे
२३.६.२०२१
गात्रांच्या उंबरठ्यावर
लावीन रोज मी पणती
दारावर बांधुन तोरण
सजवीन मृण्मयी नाती
मी गाइन त्यांच्यासाठी
साजिरी गोजिरी गाणी
लागता स्वरांच्या दिवल्या
उजळेल आतली ग्लानी
गात्रातिल रात्र सरावी
जगण्याचा उत्सव व्हावा
शिव सुंदर जे जे त्याचा
जीवास वेध लागावा..
हा देह कुणी ना परका
सोबती जन्मजन्मीचा
'मी'रूप रहाया येते
शोधीत आसरा त्याचा
***
आसावरी काकडे
१६.६.२०२१