नवा मुलामा नव बहराचा
खोड खालती तसेच आहे
सुवर्ण झुंबर हृदयामध्ये
नवीन ऊर्जा पेरत आहे
किती आजवर फांद्यांनी या
सृजनाचे सुख तना माखले
पानगळीची गुटी पाजुनी
असणे वैभवशाली केले
किती ऋतुंचे बहर कोरले
बुंध्यामध्ये माहित नाही
किती खोलवर मुळे पसरली
तहानेसही ठाउक नाही
प्राणवायुचे देणे जोवर
तोवर सळसळ करतिल पाने
झाडावरती रोज येउनी
पक्षी गातिल सुरेल गाणे
***
आसावरी काकडे
९.४.२०१७
खोड खालती तसेच आहे
सुवर्ण झुंबर हृदयामध्ये
नवीन ऊर्जा पेरत आहे
किती आजवर फांद्यांनी या
सृजनाचे सुख तना माखले
पानगळीची गुटी पाजुनी
असणे वैभवशाली केले
किती ऋतुंचे बहर कोरले
बुंध्यामध्ये माहित नाही
किती खोलवर मुळे पसरली
तहानेसही ठाउक नाही
प्राणवायुचे देणे जोवर
तोवर सळसळ करतिल पाने
झाडावरती रोज येउनी
पक्षी गातिल सुरेल गाणे
***
आसावरी काकडे
९.४.२०१७
No comments:
Post a Comment