शब्द पांघरती शाल
कुणी देऊ केली तर
आणि नेसतात शालू
कुणी सांगितले तर
कुणी घालताच साद
शब्द होतात माऊली
गर्द अंधारता मौन
शब्द होतात दिवली
शब्द कसलेला नट
रूप कोणतेही घेती
कधी होऊन प्रतिमा
अर्थ-नर्तन दाविती
शब्द आतून बाहेर
कधी बाहेरून आत
शब्द अखंड रियाज
बोलविती निळे आर्त
शब्द असतात साध्य
शब्द स्वरूप-साधना
शब्द जागविती स्वत्व
शब्द स्वतःला प्रार्थना..!
***
आसावरी काकडे
२९.१.२०१७
कुणी देऊ केली तर
आणि नेसतात शालू
कुणी सांगितले तर
कुणी घालताच साद
शब्द होतात माऊली
गर्द अंधारता मौन
शब्द होतात दिवली
शब्द कसलेला नट
रूप कोणतेही घेती
कधी होऊन प्रतिमा
अर्थ-नर्तन दाविती
शब्द आतून बाहेर
कधी बाहेरून आत
शब्द अखंड रियाज
बोलविती निळे आर्त
शब्द असतात साध्य
शब्द स्वरूप-साधना
शब्द जागविती स्वत्व
शब्द स्वतःला प्रार्थना..!
***
आसावरी काकडे
२९.१.२०१७
No comments:
Post a Comment