आकाशी चंद्र किती
फुलांमध्ये गंध किती
मोजु नये भरलेले
अंतरात श्वास किती
चंद्राच्या कैक कला
कैक दिशा गंधाला
बंधमुक्त अवकाशी
कैक देह श्वासाला
देहांच्या क्षितिजावर
श्वासांची गस्त असे
देहातिल प्राणाला
देहाचे नाव नसे
पार्थिवात जन्म जरी
अनिर्बंध असतो तो
नाम-रूप एकच ना
सर्वात्मक असतो तो..!
***
आसावरी काकडे
१३.५.२०१७
फुलांमध्ये गंध किती
मोजु नये भरलेले
अंतरात श्वास किती
चंद्राच्या कैक कला
कैक दिशा गंधाला
बंधमुक्त अवकाशी
कैक देह श्वासाला
देहांच्या क्षितिजावर
श्वासांची गस्त असे
देहातिल प्राणाला
देहाचे नाव नसे
पार्थिवात जन्म जरी
अनिर्बंध असतो तो
नाम-रूप एकच ना
सर्वात्मक असतो तो..!
***
आसावरी काकडे
१३.५.२०१७
No comments:
Post a Comment