मी आता भूमिका बदलली आहे
फक्त भूमिका नाही
हावभाव आणि नेपथ्यही..!
बांधलेलं सामान सोडून जागच्याजागी सजवून ठेवलंय
गाडी चुकली नव्हती... आलीच नाही
वाट बघत होते तयार होऊन
सहर्ष
पण गाडी आलीच नाही
मग वाट पाहणं सोडून
'आता-इथं'च्या स्थानकावरून उठले
आणि 'जिजीविषेत शतं समा:'चं
बोट धरून परतले स्वगृही
सहर्षच
आवराआवरी झालेलीच आहे
पण आता मी भूमिका बदलली आहे
मी 'एक्झिटची वाट पाहणारी' नाही
'नाट्यात रंगलेली' झाले आहे..!
***
आसावरी काकडे
३.७.२०२१
No comments:
Post a Comment