समजले मला की आता इतक्यात निमंत्रण नाही
मुक्काम न हलवायाचा इतक्यात निमंत्रण नाही
बिलगून क्षणांना बसले जे जगणे बाकी आहे
वाटले तरी वाट्याला इतक्यात निमंत्रण नाही..!
बिलगून क्षणांना बसले जे जगणे बाकी आहे
वाटले तरी वाट्याला इतक्यात निमंत्रण नाही..!
**
कळी असा वा गळुन पडा असण्यातुन सुटका नाही
इथे रमा वा निघून जा असण्यातुन सुटका नाही
पूर्णच असते आहे ते अन पूर्णच बाकी उरते
नसण्याला नसते जागा, असण्यातुन सुटका नाही..!
कळी असा वा गळुन पडा असण्यातुन सुटका नाही
इथे रमा वा निघून जा असण्यातुन सुटका नाही
पूर्णच असते आहे ते अन पूर्णच बाकी उरते
नसण्याला नसते जागा, असण्यातुन सुटका नाही..!
**
सान कुडीचे तुटता बंधन चराचराने केले स्वागत
वर्तमान झुकाला खाली अन इतिहासाने केले स्वागत..!
शब्दांची टरफले निघाली कवच गळाले अर्थावरचे
खाली उरल्या मुक्त स्वरांचे आकाशाने केले स्वागत
***
No comments:
Post a Comment