भेटे नवी राई / नव्या पर्वाच्या प्रतीक्षेत: मुखवटा

Sunday 11 September 2016

मुखवटा

कोणताही घ्या मुखवटा
मोल नाही वेगळे
रंग वरचा वेगळा पण
तेच गारुड आतले

देव कोणी कोण विदुषक
रंगलेल्या बाहुल्या
रंगकर्मी एक आहे
भूमिका जरि वेगळ्या..!

रंग निवडा कोणताही
लाल हिरवा जांभळा
लाभतो रक्तास लालस
सावलीला सावळा
***
आसावरी काकडे
१०.९.१६

No comments:

Post a Comment

मनोगत

आतमधे मळभ असतंच. काहीतरी साचत असतं. रुजत असतं. उगवत असतं आतल्याआत. पण अनेक पावसाळे भोगून झाल्यानंतर रुजण्या-उगवण्याचे, फुलण्या-गळण्याचे नावीन्य ओसरते. नकळत एक तटस्थ अवस्था येते. किंवा मख्ख थकलेपण. पिकलेली फळं पडतात आतल्याआत पण ती उचलून कुणाला द्यावी-दाखवाविशी वाटत नाहीत..!

पण अचानक मरगळ वितळते. चक्राकार गतीत फिरणार्‍या त्याच त्या घटनांमधे ताजेपण जाणवतं. तो क्षण नवी राई भेटवणारा असतो. तिचं हिरवेपण लपेटून मळभही बोलू लागतं... साचलेलं सगळं नव्या ऊर्जेसह उगवू लागतं कवितांमधून..

नव्या राईत भेटलेल्या नव्या कविता इथे सादर करतेय-