जागला अनन्य भाव त्यात
शून्य निरसून एकाला दिसला
त्याने वर्णियेला भाव त्याचा
म्हणे हा विठोबा देवांचाही देव
निवारितो भेव तोच सारे
भक्ताच्या भक्तांनी पाहिला श्रद्धेने
काया वाचा मने पूजियेले
पाषाणाचा झाला देव मंदिरात
तोच अंतरात बिंबविला
भारावून मीही गेले दर्शनाला
मला न दिसला देव कुठे
पाहा पाषाणाचे कसे हे प्राक्तन
चैतन्य निधान सापडले
पण जन्मजात चैतन्य असून
मीच की पाषाण झाले आहे..!
***
आसावरी काकडे
१२.७.२०१७
No comments:
Post a Comment