अव्यक्ताच्या काठावरती
राधा मोहन बसले गं
ऐल पैल सावरीत दोघे
प्रीतीमध्ये बुडले गं
ऐल राधिका पार्थिव प्रतिमा
पैल श्रीहरी निर्गुणसा
ओढ विलक्षण दोघांनाही
अद्वैताचा ध्यास असा
सगूण होतो कधी श्रीहरी
कधी विदेही हो राधा
अंतर मधले मिटते तेव्हा
मीलनास कुठली बाधा
ज्याला त्याला भुरळ घालते
युगुल सनातन रुजलेले
अव्यक्ताच्या काठावरती
प्रतीक होउन बसलेले
***
आसावरी काकडे
२२.२.२०१७
राधा मोहन बसले गं
ऐल पैल सावरीत दोघे
प्रीतीमध्ये बुडले गं
ऐल राधिका पार्थिव प्रतिमा
पैल श्रीहरी निर्गुणसा
ओढ विलक्षण दोघांनाही
अद्वैताचा ध्यास असा
सगूण होतो कधी श्रीहरी
कधी विदेही हो राधा
अंतर मधले मिटते तेव्हा
मीलनास कुठली बाधा
ज्याला त्याला भुरळ घालते
युगुल सनातन रुजलेले
अव्यक्ताच्या काठावरती
प्रतीक होउन बसलेले
***
आसावरी काकडे
२२.२.२०१७
No comments:
Post a Comment