ही उलथापालथ तशी अचानक नाही
एकटा कुणीही समुद्र ढवळत नाही
पारडे होतसे अविरत वरती खाली
वर जाते कोणी, कुणी खालती राही..!
***
आसावरी काकडे
२१.५.२०२१
हे जीवन केवळ अर्घ्यदान की असते
कोणाला कळते, कुणी नकळता करते
जन्मते चराचर पूर्णामधुनी सारे
एकेक अखेरी पूर्णा अर्पण होते
***
आसावरी काकडे
२१.५.२०२१
निष्पर्ण एकटी फांदी नभात घुसली
अन तहान तीवर अलगद येउन बसली
वासली चोच जणु पदर पसरला कोणी
आर्तता त्यातली नभास भेदुन गेली..!
****
आसावरी काकडे
२६.५.२०२१
No comments:
Post a Comment