टांगले कोणी हुकाला टांगु दे ना
मौज गिरक्यांची जराशी चाखु दे ना
गुंतणे की मुक्तता ही? काही असो
झिंग थोडी यातलीही घेउ दे ना..!
***
२२.६.२०१८
रात्र म्हणाली दिवसाला मी थकले आहे
तुला वाटते भाग्यवान मी निजले आहे
प्रत्येकाच्या स्वप्नांमागे रोज धावते
सोंगांसाठी तरी अपूरी ठरले आहे..!
***
२४.६.२०१८
चित्रकार की कवी कोण तो लपून असतो
कधी आकृत्या कधी अक्षरे ढाळत असतो..!
कुणास दिसते चित्र त्यामधे कुणास कविता
तो तर केवळ अव्यक्ताला झाकत असतो..!
***
२६.६.२०१८
No comments:
Post a Comment