तो..

मीच साक्षी ज्यास होते काळ तो गेला पुढे
की कळेना मीच त्याला सोडुनी आले पुढे

काय नाते आपुले त्याच्या सवे ते नाकळे
वाढते आयुष्य की होते उणे त्याच्यामुळे

काळ सर्वांना उखाणे घालतो हे नेहमी
सोडवाया सर्व घेती उत्तरांची ना हमी

तो पुढे ना जात किंवा ना कुणाला थांबतो
तो असे सर्वत्र, काही सांगतो ना ऐकतो..!

काळ आहे फक्त साक्षी पार्श्वभूमीसारखा
जीवनाचा खेळ चाले त्या समोरी सारखा..!
***
आसावरी काकडे
५.१.२०१७