नव्या आयुष्याचे स्वप्न
पैलतीराला पडते
तेव्हा ऐलतीरापोटी
कुणी नवा जन्म घेते
ऐलतीरी जन्मणारे
कधी असतो आपण
घेतो भोगून पुरता
आयुष्याचा कण कण
कधी संथ कधी लाटा
नाव चालत राहाते
जन्मऋण चुकवत
पैलतीराला पोचते
खाली उतरता जीव
नाव फिरते माघारी
नव्या आयुष्याचे स्वप्न
पुन्हा नेते ऐलतीरी
ऐल-पैल आदि-अंत
हे तो अमूर्ताचे लेणे
नावेतील येरझाऱ्या
मर्त्य जिवाचे खेळणे..!
***
आसावरी काकडे
२३.१.२०१७
पैलतीराला पडते
तेव्हा ऐलतीरापोटी
कुणी नवा जन्म घेते
ऐलतीरी जन्मणारे
कधी असतो आपण
घेतो भोगून पुरता
आयुष्याचा कण कण
कधी संथ कधी लाटा
नाव चालत राहाते
जन्मऋण चुकवत
पैलतीराला पोचते
खाली उतरता जीव
नाव फिरते माघारी
नव्या आयुष्याचे स्वप्न
पुन्हा नेते ऐलतीरी
ऐल-पैल आदि-अंत
हे तो अमूर्ताचे लेणे
नावेतील येरझाऱ्या
मर्त्य जिवाचे खेळणे..!
***
आसावरी काकडे
२३.१.२०१७
No comments:
Post a Comment