देव-भक्त नाते

(ज्ञा. उपमा १७)

विश्वाच्या मंदिरी त्याची प्रतिकृती

सोहं ही प्रचिती नाही तिला

प्रतिकृतीमध्ये असे पूर्ण विश्व

शब्दामधे भाव असे जसा

विस्तार वडाचा असे बीजामध्ये

आणि वडामध्ये वसे बीज

पण त्याचे भान बीजाला नसते

पडून असते स्वतःमध्ये

मनुष्य-रूपात घेई अवतार

सगूण ईश्वर भक्तांसाठी

बीजरूप भक्ता सोहंज्ञान होते

वटवृक्ष होते एखादेच

बीजाला दिसतो स्वरूप विस्तार

स्वतःच्या बाहेर वृक्षरूपी

देव-भक्त नाते एकमेकी लीन

जरी रुपे दोन दिसतात..!

***

आसावरी काकडे

७.४.२०१७