क्षणिका-

गर्द हिरवा गर्द पिवळा रंग त्यांनी प्राषिला

कोवळासा गंध सात्त्विक अंतरंगी उगवला
बी कवींचा सोनचाफा मौन धरतो गूढसे
उगवलेला गंध तरिही हसत राही गोडसे..!
***
आसावरी काकडे
२९.५.२०२१

दिवसभराचे चित्र स्मरावे निजताना रात्री
चितारायचे काहि नुरावे निजताना रात्री
अहोरात्र त्या नक्षत्रांच्या चमचमती दिवल्या
दिवे घरातिल मंद करावे निजताना रात्री..!
***
आसावरी काकडे
२८.५.२०२१

मी पाठीवरती मलाच वाहत असते
अन अक्षरांमधे मलाच कोरत असते
प्रत्येक ऋतूचा रंग वेगळा सुंदर
एकेक लेउनी मलाच सजवत असते..!

 *** 
११.७.२०२१