भेटे नवी राई / नव्या पर्वाच्या प्रतीक्षेत: छायाचित्र म्हणजे..

Friday, 27 November 2015

छायाचित्र म्हणजे..

छायाचित्र म्हणजे

अनंत काळाच्या प्रवाहातला

एक थेंब

चौकटीत पकडून ठेवणं !

थेंबातल्या

प्रतिबिंबात मावतं

तेवढंच उतरतं छायाचित्रात

पण केवळ

एक चौकट देऊन

पूर्णतेचा सुखावणारा अनुभव देतं ते

नजरेला आणि दृश्यालाही !

***

No comments:

Post a Comment

मनोगत

आतमधे मळभ असतंच. काहीतरी साचत असतं. रुजत असतं. उगवत असतं आतल्याआत. पण अनेक पावसाळे भोगून झाल्यानंतर रुजण्या-उगवण्याचे, फुलण्या-गळण्याचे नावीन्य ओसरते. नकळत एक तटस्थ अवस्था येते. किंवा मख्ख थकलेपण. पिकलेली फळं पडतात आतल्याआत पण ती उचलून कुणाला द्यावी-दाखवाविशी वाटत नाहीत..!

पण अचानक मरगळ वितळते. चक्राकार गतीत फिरणार्‍या त्याच त्या घटनांमधे ताजेपण जाणवतं. तो क्षण नवी राई भेटवणारा असतो. तिचं हिरवेपण लपेटून मळभही बोलू लागतं... साचलेलं सगळं नव्या ऊर्जेसह उगवू लागतं कवितांमधून..

नव्या राईत भेटलेल्या नव्या कविता इथे सादर करतेय-